اسلام آباد ( یو این آئی نیوز)
وزیر اعظم عمران خان کا افغانستان کے لیے انسانی ہمدردی کی بنیاد پر پاکستان کی طرف سے 5 ارب روپے کی امداد کی منظوری ، وزیر اعظم آفس سے جاری اعلامیے کے مطابق وزیر اعظم عمران خان نے گذشتہ روز افغانستان کے لیے خصوصی طور پر قائم بین الوزارتی رابطہ سیل کا دورہ کیا ، جہاں انھوں نے افغانستان کے لئے قائم ایپیکس کمیٹی کے اجلاس کی صدارت کی۔ اجلاس میں وزیر خارجہ شاہ محمود قریشی، مشیر خزانہ شوکت فیاض ترین، آرمی چیف جنرل قمر جاوید باجوہ، قومی سلامتی مشیر ڈاکٹر معید یوسف اور اعلی حکام شریک ہوئے ،قومی سلامتی مشیر ڈاکٹر معید یوسف کی ایپیکس کمیٹی کو افغانستان کی صورتحال پر تفصیلی بریفنگ دی ، انسانی ہمدردی اور ہنگامی صورتحال سے نمٹننے کے لیے افغانستان کے لیے 5 ارب روپے کی امدادی پیکیج کی منظوری دی گئی ،۔امدادی اشیاء میں 50ہزار میٹرک ٹن گندم، ادویات و میڈیکل سامان اور سردیوں کے لیے سامان شامل ہے ۔افغانستان سے پاکستان اہم درآمدات پر سیل ٹیکس میں کمی کی بھی اس اجلاس میں اصولی منظوری دی گئی ۔پاکستان کی سرحدوں سے داخل ہونے والے تمام افغانی باشندوں کے لیے مفت COVID-19 ویکسینیشن جاری رہے گی۔ اعلامیے کھے مطابق انسانی ہمدردی کی بنیاد پر وزیر اعظم نے افغانستان کے لیے ہندوستان کی طرف سے 50 ہزار میٹرک ٹن امدادی گندم جو کہ پاکستان سے گزر کر جانی ہے، کی راہداری کی اجازت بھی دےدی۔ وزیر اعظم نے ہدایت کی کہ علاج معالجے کے لیے ہندوستان میں پھنسے ہوئے افغانیوں کی پاکستان کے راستے وطن واپسی میں مدد کی جائے۔افغانیوں کی سہولت کے لیے پاکستانی ویزا کے حصول کو آسان بنانے اور زیادہ سے زیادہ تین ہفتوں کے اندر اجرا کا فیصلہ بھی کیا گیا ۔وزیر اعظم نے اس موقع پر افغانستان کی امداد کے لیے اقدامات اور بارڈر مینیجمنٹ کی ستائش اور اطمینان کا اظہار کیا۔ اور کہا کہ افغان باشندوں کی ہر ممکن مدد کی جائے۔ انھوں نے پشاور تا جلال آباد بس سروس کی بحالی کی بھی ہدایت کی ۔ وزیر اعظم نے کہا کہ بارڈرز پر تعینات اہلکاروں کی استعداد کار بڑھائی جائے اور سرحدوں کی صوابدیدی بندش نہ کی جائے۔ وزیر اعظم ایپیکس کمیٹی نےافغانستان میں ہنگامی صورتحال پر گہری تشویش کا اظہار کیا۔ ایپیکس کمیٹی نے کہا کہ حکومت پاکستان افغان باشندوں کی مدد کے لیے ہر ممکن اقدامات اٹھائے گی۔ وزیر اعظم نے کہا کہ افغان بہادر ترین قوم ہے جنہوں نے مشکل حالات کا سامنا کیا ہے۔سالوں کے تنازعات کے بعد بین القوامی برادری پر ذمہ داری عائد ہوتی ہے کے وہ افغان عوام کی مدد کریں تاکے وہ امن و استحکام کے ماحول میں رہ سکیں۔ وزیر اعظم نے کہا کہ دنیا افغانستان کی ہنگامی صورتحال کا نوٹس لے اور انسانی ہمدردی کی بنیاد پر ہر ممکن مدد کے لیے اقدامات اٹھائے۔ وزیر اعظم کی قومی سلامتی مشیر کو افغانستان دورہ کرنے کی ہدایت کی اور کہا کہ وفود کی سطح پر افغان حکام سے امداد کے حوالے سے مذاکرات کیے جائیں ۔
