بہاولپور( یو این آئی نیوز ) چیف آف آرمی سٹاف جنرل قمر جاوید باجوہ نے کہا ہے کہ داخلی سالمیت وملکی سلامتی کیلئے کسی بھی خطرے سے نمٹنے کیلئے تیار ہیں۔آئی ایس پی آرکے مطابق سپہ سالار جنرل قمر جاوید باجوہ نے بہاولپور کا دورہ کیا۔آئی ایس پی آر کے مطابق جنرل قمر جاوید باجوہ نے خیرپور ٹامیوالی اور اسرانی میں تربیتی مشقیں دیکھیں، دورے کے دوران میکنائزڈ دستوں کی جنگی مشقوں کا مشاہدہ کیا، فارمیشنز کی آپریشنل تیاریوں کو سراہا، مشقوں میں فارمیشنز نے جارحانہ حکمت عملی کے آپریشن کیے۔جنرل قمر جاوید باجوہ نے کہا ہے کہ دشمن کے ناپاک عزائم کو شکست دینے کیلئے چیلنجز سے نمٹنے کی تربیت ضروری ہے، پاک فوج داخلی سالمیت و ملکی سلامتی کیلئے کسی خطرے سے نمٹنے کیلئے تیار ہے۔ قبل ازیںکور کمانڈر لیفٹیننٹ جنرل خالد ضیا نے بہاولپور پہنچنے پر آرمی چیف جنرل قمر جاوید باجوہ کا استقبال کیا۔
