اسلام آباد (یو این آئی)قومی احتساب بیورو (نیب) نے وزیراعظم شہباز شریف کو آشیانہ ہاوسنگ اسکینڈل میں کلین چٹ دے دی۔
آشیانہ ہاوسنگ کے ٹھیکے دینے میں شہباز شریف کیخلاف بدعنوانی کے کوئی ثبوت نہیں ملے۔
اختیارات کے ناجائزاستعمال کے بھی کوئی ثبوت نہیں ملے۔ آشیانہ پراجیکٹ میں سرکاری خزانے کو کوئی نقصان نہیں پہنچا۔
آشیانہ ہاوسنگ کے ٹھیکے دینے کے پراسس میں بدعنوانی کے کوئی ثبوت نہیں ملے ، آشیانہ پراجیکٹ شروع کرتے وقت شہباز شریف نے کوئی فوائد حاصل کیے
ریکارڈ اور شواہد سے یہ بات ثابت ہوتی ہے کہ کسی پبلک آفس ہولڈر نے کسی قسم کے کوئی فوائد حاصل نہیں کیے۔
سرکاری خزانے کو نقصان نہیں پہنچایا،فواد حسن فواد نے بھی کوئی رشوت نہ لی،،نیب نے استدعا احتساب عدالت لاہور قانون کے مطابق شہبازشریف کی بریت کی درخواست پر فیصلہ کردے
نیب شہباز شریف کی بریت کی درخواست پر نیب کی جانب سے احتساب عدالت لاہور میں جمع کرائے گئے
تحریری جواب میں مزید کہا گیا ہے کہ آشیانہ سکینڈل میں شہبازشریف کیخلاف بدنیتی کا کوئی پہلو بھی ثابت نہیں ہوتا۔
دوسری جانب احتساب عدالت لاہور میں شہباز شریف سمیت دیگر کے خلاف آشیانہ اقبال ریفرنس پر سماعت ہوئی۔
احتساب عدالت کے جج شیخ سجاد احمد نے ریفرنس پر سماعت کی، شہباز شریف کے نمائندے انوار حسین ایڈووکیٹ نے پیش ہوکر حاضری مکمل کروائی۔
عدالت نے وکلاءکو دلائل کے لیے طلب کرکے سماعت 27 مئی تک ملتوی کردی
