اسلام آباد ( یو این آئی نیوز )پاکستان مسلم لیگ (ن) نے مہنگائی اور معاشی تباہی کے خلاف آج سے سڑکوں پر آنے کا پروگرام تشکیل دے دیا،پاکستان مسلم لیگ (ن) کے صدر اور قائد حزب اختلاف شہباز شریف کی زیر صدارت پارٹی کے اعلی سطح کے اجلاس میں عوام کے حقوق کے تحفظ کے لئے احتجاجی تحریک کے آغاز کا فیصلہ کیا گیا ، اجلاس میں سابق وزیراعظم شاہد خاقان عباسی، احسن اقبال، خواجہ سعد رفیق، مریم اورنگزیب، پارٹی کے چاروں صوبائی، آزاد جموں و کشمیر اور گلگت بلتستان کے صدور اور جنرل سیکریٹریز کی شرکت پاکستان مسلم لیگ (ن) نے ملک گیر احتجاج کے لیے ریلیوں، جلوسوں اور مظاہروں کے پروگرام کو حتمی شکل دیدی جبکہ صوبوں اور اضلاع میں پارٹی عہدیداروں کو احتجاج کی کال بھی دے دی گئی ،ملک گیر احتجاج کے سلسلے میں پاکستان مسلم لیگ (ن) اپنا پہلا احتجاجی مظاہرہ راولپنڈی میں کرے گی، یہ احتجاج راولپنڈی پریس کلب کے سامنے سہ پہر تین بجے کیا جائے گا ،اجلاس میں ملک گیر احتجاج کے سلسلے میں مرکزی اور صوبائی عہدیداروں کے اشتراک عمل کے لئے مختلف کمیٹیاں بھی تشکیل دے دی گئیں،
