عمان( یو این آئی نیوز)کر کٹ کی دنیا کے بڑے مقابلے ٹی ٹوئنٹی ورلڈکپ کا آغاز ہو گیا ،پہلے دن پہلے مرحلے کے دو میچ کھیلے گئے ، دوسرے میچ میں اسکاٹ لینڈ نے بنگلادیش کیخلاف اپ سیٹ کرتے ہوئے اسے 6رنز سے شکست دے دی جبکہ ورلڈ کپ کے افتتاحی میچ میں میزبان عمان نے پاپوا نیوگنی کو 10 وکٹوں سے ہرا دیا ۔عمان کے شہر العامرات میں کھیلے گئے ٹی ٹوئنٹی ورلڈ کپ کے پہلے مرحلے کے دوسرے میچ میں بنگلادیشی کرکٹ ٹیم کے کپتان محمود اللہ نے ٹاس جیت کر پہلے فیلڈنگ کا فیصلہ کیا۔اسکاٹ لینڈ نے مقررہ 20 اوورز میں 9 وکٹوں کے نقصان پر 140 رنز بنائے ۔52 رنز پر اسکاٹ لینڈ کی آدھی ٹیم پویلین لوٹ گئی تھی جس کے بعد کرس گریوز اور مارک واٹ نے ذمہ درانہ بیٹنگ کرتے ہوئے ٹیم کا اسکور 140 رنز تک پہنچایا۔کرس گریوز 45، جیورج مونسے 29 اور مارک واٹ 22 رنز بنا کر نمایاں رہے۔
بنگلادیش کی جانب سے مہدی حسن نے 3، شکیب الحسن اور مستفیض الرحمان نے 2،2 کھلاڑیوں کو آٹ کیا۔141 رنز کے جواب میں اسکاٹش بولرز نے شاندار بولنگ کا مظاہرہ کرتے ہوئے بنگلادیش کو مقررہ 20 اوورز میں7 وکٹوں پر 134 رنز تک محدود رکھا اور یوں اسکاٹ لینڈ نے بنگلادیش کیخلاف اپ سیٹ کرتے ہوئیاسے 6 رنز سے شکست دی۔بنگلادیش کی جانب سے مشفیق الرحیم 38 اور کپتان محموداللہ 23 رنز بنا کر نمایاں رہے جبکہ اسکاٹ لینڈ کے بریڈ ویل نے 3 اور کرس گریوز نے 2 کھلاڑیوں کو آٹ کیا۔اس سے قبل ہونے ورلڈکپ کے افتتاحی میچ میں میزبان عمان نے پاپوا نیوگنی کو 10 وکٹوں سے شکست دی ۔
