اسلام آباد ( یو این آئی مانیٹرنگ )
ایک جانب پاکستان میں ہر پندرہ دن بعد پیٹرولیم مصنوعات کی قیمتوں میں تیزی سے اضافے کا سلسلہ جاری ہے جس نے عوام کی کمر توڑ کر رکھ دی ہے اور تحریک انصاف کی حکومت ان قیمتوں کو کنٹرول کرنے میں مکمل طورپر ناکام نظر آتی ہے تو وہیں بھارت میں عالمی سطح پر خام تیل کی قیمتوں میں لگاتاراضافہ کے باوجود آج مسلسل 105 ویں دن مقامی سطح پر پٹرول اور ڈیزل کی قیمتوں میں کوئی تبدیلی نہیں ہوئی۔
بھارتی میڈیا کے مطابق دونوں ایندھنوں کی قیمتوں میں 4 نومبر 2021 کو کمی کی گئی جب مرکزی حکومت نے پٹرول اور ڈیزل پر ایکسائز ڈیوٹی میں بالترتیب 5 اور 10 روپے کی کمی کا اعلان کیا۔ اس کے بعد ریاستی حکومتوں کی جانب سے ویلیو ایڈیڈ ٹیکس (ویٹ) کو کم کرنے کے فیصلے کے بعد دارالحکومت دہلی میں بھی ویٹ کو کم کرنے کے بعد قومی راج دھانی میں 2 دسمبر 2021 کو پٹرول تقریباً آٹھ روپے سستا ہو گیا۔ تاہم ڈیزل کی قیمتوں میں کوئی تبدیلی نہیں ہوئی۔
زیادہ تر ریاستی حکومتوں اور مرکز کے زیر انتظام علاقوں نے بھی پٹرول اور ڈیزل پر ویلیو ایڈیڈ ٹیکس کو کم کر دیا تھا جب مرکز نے ایکسائز ڈیوٹی میں کمی کی تھی، جس سے عام آدمی کو بڑی راحت ملی تھی۔
بھارت میں پٹرول اور ڈیزل کی قیمتوں کا روزانہ جائزہ لیا جاتا ہے اور اسی کی بنیاد پر نئی قیمتیں روزانہ صبح 6 بجے سے لاگو ہوتی ہیں۔
آج ملک کے چار بڑے میٹرو میں پٹرول اور ڈیزل کی قیمتیں کچھ یوں رہیں:
میٹرو……….پٹرول……….ڈیزل (روپے فی لیٹر)
دہلی ……….95.41…….. 86.67
کولکتہ .104.67 ……89.79
ممبئی …… 109.98. ….94.14
چنئی …… 101.40 ….. 91.43
واضح رہے کہ پاکستان میں تحریک انصاف کی تبدیلی سرکار نے یکم فروری کا پیٹرول کی قیمت میں یک دم 12 روپے 03 پیسے فی لیٹ اور ڈیزل کی قیمت میں 9 روپے 53 پیسے فی لیٹر کا اضافہ کیا ، اس سے قبل 15 جنوری کو پیٹرولیم مضنوعات کی قیمتوں میں تین تین روپے فی لیٹر کا اضافہ بھی کیا گیا تھا ، یعنی ایم ماہ کی مدت میں پیٹرول 15 روپے فی لیٹر اور ڈیزل 12 روپے فی لیٹر سے زیادہ مہنگا کیا گیا ۔
