نئی دلی ( یو این آئی نیوز)بھارتی دارالحکومت نئی دہلی میں فضائی آلودگی کی صورتحال انتہائی گھمبیرہو گئی ۔حکومت نے اس صورتحال کے پیش نظر شہر کے تمام سکول ایک ہفتے کے لیے بند کر دیے ہیں۔ نئی دلی کی اس صورتحال کا بھارتی سپریم کورٹ کی جانب سے بھی نوٹس لیا گیا اور دارالحکومت میں 2 روزہ لاک ڈان نافذ کرنیکی تجویز دی ۔واضح رہے کہ نئی دہلی سمیت بھارت کے مختلف شہروں کو بدترین فضائی آلودگی کا سامنا ہے، دہلی کے بعد ریاست ہریانہ میں بھی تمام اسکول بند کرنیکی ہدایت کردی گئی ہے۔
نئی دہلی میں17 نومبر تک تمام تعمیراتی سرگرمیوں پر پابندی لگادی گئی ہے اور سرکاری اور نجی دفاتر کے ملازمین کو گھر سے کام کرانے کی تجوزی دے دی گئی ہے۔پابندیوں کا اطلاق نئی دہلی کے چارقریبی اضلاع گروگرام،فرید آباد، سونی پت اور جھاجر میں بھی ہوگا۔نئی دہلی کے وزیر اعلی اروند کیجریوال کا کہنا ہیکہ شہر میں مکمل لاک ڈان کا امکان ہے لیکن اس کا فیصلہ متعلقہ ایجنسیوں اور وفاقی حکومت سے مشاورت کے بعد کیا جائیگا۔
