اسلام آباد (یو این آئی) سیاسی افراتفری میں غریب کیلئے دو وقت کی روٹی کھانا بھی محال ہوگیا اور آٹے کی قیمتیں ملکی تاریخ کی ریکارڈ سطح پر پہنچ گئی ہیں۔
رپورٹ کے مطابق گزشتہ ایک ہفتے میں 20 کلو آٹے کا تھیلا 240 روپے مہنگا ہوا ہے
اور آٹے کے 20 کلو تھیلے کی قیمت 3 ہزار 373 روپے کی سطح پر پہنچ چکی ہے
دستاویزات کے مطابق وفاقی دارالحکومت اسلام آباد میں ایک ہفتے کے دوران آٹے کی قیمت 240 روپے بڑھ گئی
راولپنڈی اور پشاور میں ا?ٹے کا 20 کلو کا تھیلا 200 روپے مہنگا ہوا
سیالکوٹ میں آٹے کا 20 کلو تھیلا 133 روپے اور فیصل آباد میں 125 روپے مہنگا ہوا۔
بنوں میں 20 کلو آٹے کا تھیل ا100روپے، لاہور میں90 روپے، سکھر میں 60 روپے اور کوئٹہ میں 20 کلو آٹے کے تھیلے میں 30 روپے تک کا اضافہ ہوا، جب کہ کراچی میں 20 کلو آٹے کے تھیلے کی قیمت 3 ہزار روپے ریکارڈ کی گئی۔
