لاہور(یو این آئی نیوز)ٹی وی اور سٹیج کے معروف اداکار سہیل اصغر انتقال کر گئے،اہل خانہ کے مطابق اداکار سہیل اصغر ڈیڑھ سال سے بیمار تھے اور گزشتہ ایک ہفتے سے اسپتال میں زیرِ علاج تھے۔ ڈیڑھ سال قبل ان کا بڑی آنت کا آپریشن بھی ہوا لیکن وہ ٹھیک نہیں ہوسکے ، وہ آج ہفتے کی صبح ساڑھے گیارہ بجے انتقال کرگئے ، مرحوم کی نماز جنازہ کل بروز اتواربعد نماز عصر ادا کی جائے گی۔ سہیل اصغر پاکستانی اسٹیج اور ٹی وی کے معروف اداکار تھے جنہوں نے لاہور سے اپنے کریئر کا آغاز کیا۔ان کے مشہور ٹی وی ڈراموں میں چاند گرہن، خدا کی بستی، دکھ سکھ ، حویلی، کاجل گھر، ریزہ ریزہ، پیاس اور دیگر ڈرامے شامل ہیں۔
