اسلام آباد( یو این آئی نیوز)تحریک عدم اعتماد سے ایک روز قبل تحریک انصاف کا اسلام آباد میں طاقت کا بھرپورمظاہر ہ کرنے کا فیصلہ ، وزیر اعظم عمران خان نے پارٹی ارکان کو بڑے جلسے اور اس کے لیے دس لاکھ لوگوں کواسلام آباد میں جمع کرنے کا ٹاسک دے دیا ۔
ذرائع کے مطابق تحریک انصاف نے اسلام آباد میں بھرپور طاقت کا مظاہرہ کرنے کا فیصلہ کر لیا ہے ، کپتان نے کھلاڑیوں کو اسلام آباد میں سب سے بڑا جلسہ کا ٹاسک دیدیا۔ جو قومی اسمبلی میں تحریک عدم اعتمادپر کاروائی سے ایک دن قبل منعقد کیا جائے گا ۔
ذرائع کے مطابق وزیر اعظم کی جانب سے اس بارے میں ہدایت گذشتہ روز اپنی پارٹی کے ممبران اسمبلی سے ملاقاتوں کے دوران دی گئی ، ذرائع کے مطابق اسلام آباد، راولپنڈی ، چکوال اور گرد و نواح کے ارکان اسمبلی سے ملاقاتوں میں اس حوالے سے حتمی پروگرام ترتیب دیدیا گیا۔کپتان نے اسلام آباد کی تنظیم کو میزبانی کرنے کا ٹاسک سونپ دیا ہے،
ذرائع کے مطابق وزیراعظم کا کہنا تھا کہ پارٹی سے غداری کرنیوالوں کے خلاف قانونی چارہ جوئی کریں گے، ان کا کہنا تھا کہ عدم اعتماد میں اپوزیشن کو شکست ہوگی۔تحریک عدم اعتماد کا مقصد ملک کی معاشی ترقی کوروکنا ہے۔
