راولپنڈی (یو این آئی نیوز)پاکستان میں امریکی ناظم الامور انجیلا ایگلر کی گذشتہ روز چیف آف آرمی سٹاف جنرل قمر جاوید باجوہ سے ملاقات کی۔ آئی ایس پی آر کے مطابق جی ایچ کیو میں ہونے والی اس ملاقات میں باہمی دلچسپی کے امور، افغانستان سمیت علاقائی سیکورٹی کی صورتحال اور مختلف شعبوں میں دوطرفہ تعاون پر تبادلہ خیال کیا گیا۔ آرمی چیف نے افغانستان میں پیدا ہوتی ہوئی صورتحال بالخصوص انسانی بحران سے نمٹنے کے لیے عالمی کوششوں کی ضرورت پر زور دیا۔ امریکی ناظم الامور نے علاقائی امن و استحکام کے لیے پاکستان کے کردار اور کوششوں کو سراہا۔
