راولپنڈی ( یو این آئی نیوز) چیف آف آرمی سٹاف جنرل قمر جاوید باجوہ سعودی عرب سے براہ راست کراچی پہنچ گئے۔ کراچی آمد کے بعد انھوں نےحالیہ شدید بارشوں کی وجہ سے سیلاب کے اثرات کے جائزے کے لیے شہر کا فضائی جائزہ لیا۔آئی ایس پی آر کے مطابق آرمی چیف کو اس موقع پر سیلاب کی تازہ ترین صورتحال اور کراچی میں سول انتظامیہ کو فوج کے مکمل تعاون کے بارے میں بریفنگ دی گئی۔انھوں نے ریسکیو اور ریلیف کی کوششوں کے لیے سول انتظامیہ کی مدد کے لیے فارمیشنز کے بروقت ردعمل کو سراہا۔ انہوں نے کراچی کور کو ہدایت کی کہ وہ اس بات کو یقینی بنائے کہ عوام کو راحت پہنچانے کے لیے تمام تر کوششیں اور ہر ایک وسائل کو بروئے کار لایا جائے۔ قبل ازیں آرمی چیف کی آمد پر کور کمانڈر لیفٹیننٹ جنرل محمد سعید نے ان کا استقبال کیا۔
