اسلام آباد ( یو این آئی نیوز): سابق وزیراعظم و تحریک انصاف کے چیئرمین عمران خان دہشت گردی کے مقدمے میں آج
دوسرے روز بھی نوٹس کے باوجود پولیس کی جے آئی ٹی ے سامنے پیش نہیں ہوئے۔
عمران خان کو پولیس کی جے آئی ٹی نے 5 بجے پیش ہونے کا نوٹس دیا تھا لیکن وہ جے آئی ٹی میں پیش ہونے کے بجائے گوجرانوالا روانہ ہوگئے۔عدالتی حکم کے باوجود عمران خان دہشتگردی کے مقدمے میں شامل تفتیش نہیں ہو رہے۔پولیس کی جے آئی ٹی نے اس سے قبل 9 ستمبر کو بھی پیش ہونےکا کہا تھا مگرعمران خان 9ستمبر کو بھی جے آئی ٹی کے سامنے پیش نہیں ہوئے تھے۔
پولیس کی جے آئی ٹی کی جانب سے چیرمین پی ٹی آئی عمران خان کو پیش ہونے کیلئےکل دوسرا موقع دیا گیا تھا۔ واضح رہے کہ سابق وزیر اعظم عمران خان کو اسلام آباد ہائیکورٹ نے جےآئی ٹی میں پیش ہونے کا حکم دیا تھا جبکہ عمران خان کی جانب سے جے آئی ٹی کو تحریری جواب بھجوایا گیا تھا تاہم پولیس کی جے آئی ٹی نے کل پھر انھیں ذاتی طور پر پیش ہونے کا کہا تھا۔
