اسلام آباد(یو این آئی) وزیراعظم عمران خان کی صدارت میں وفاقی کابینہ کا اجلاس آج گیارہ جنوری منگل کو ہوگا ۔ اجلاس میں سانخہ مری پر تبادلہ خیال ، ملکی سیاسی معاشی صورتحال کا جائزہ، مہنگائی سے متعلق ارکان کو بریفنگ دی جائے گی۔ کابینہ 17 نکاتی ایجنڈے پر غور کرے گی، ای سی سی، کابینہ کی نجکاری کمیٹی اور ادارہ جاتی اصلاحات کمیٹی کے فیصلوں کی توثیق کی جائے گی۔وفاقی کابینہ کااجلاس وزیراعظم کی زیر صدارت وزیراعظم ہاوس میں ہو گا۔ اجلاس میں سانخہ مری کے حوالے سے ابتدائی تحقیقات کے حوالے سے تبادلہ خیال کیاجائے گا جبکہ اجلاس ملکی سیاسی و معاشی صورتحال کا جائزہ لیا جائے گا، کابینہ ارکان کو مہنگائی کی موجودہ صورتحال پر بریفنگ دی جائے گی۔ کابینہ اجلاسمیں انٹلیکچوئل پراپرٹی رائٹس بورڈ میں چیرمین اور ارکان کی تعیناتی کی منظوری دی جائے گی۔ اسلام آباد کیپٹیل ٹیرٹری ایکٹ 2020 کے تحت ٹرسٹ فنڈز کے لیے کریڈٹ گارنٹی کی منظوری دی جائے گی۔ پارک روڈ زون فور میں روشن پاکستان پراجیکٹ کے تحت سمندر پار پاکستانیوں کے لیے ہاوسنگ منصوبے کی منظوری ایجنڈے میں شامل ہے، کابینہ سی ڈی اے کے سالانہ بجٹ 2021-22 کی منظوری دے گی۔ انجیئرنگ ڈویلپمنٹ بورڈ کے سی ای او کی ملازمت میں توسیع کی جائے گی۔ 2020 اکیس کی چوتھی سہہ ماہی کے لیے بجلی کے ٹیرف میں ایڈجسٹمنٹ کی منظوری دی جائے گی۔ فاٹا اور پاٹا میں نان کسٹم گاڑیوں کی رجسٹریشن میں ڈیوٹی ٹیکسز کی ون ٹائم چھوٹ کی منظوری دی جائے گی۔ بین المذاہب ہم آہنگی کے مسودے کی منظوری بھی کابینہ ایجنڈے میں شامل ہے، مسیحی برادری سے اقلیتی کمیشن میں ممبر کی تعیناتی اور سائنس ٹیکنالوجی اینڈ انوویشن پالیسی 2021 کی منظوری دی جائے گی، محکمہ انسداد منشیات میں ماہر کی تعیناتی کی جائے گی۔ پی ٹی ڈی سی کے بورڈ آف ڈائریکٹرز میں چیئرمین کی تعیناتی کی منظوری دی جائے گی۔کابینہ ادارہ جاتی اصلاحات کمیٹی کے فیصلوں کی توثیق کرے گی۔ کابینہ نجکاری کمیٹی کے 31 دسمبر کے فیصلوں اور ای سی سی کے گزشتہ دو اجلاسوں کی فیصلوں کی توثیق کرے گی۔
