لاہور( یو این آئی نیوز) معروف بھارتی اداکار شاہ رخ خان کو بیٹے آریان خان کے منشیات کیس میں ملوث ہونے پر مالی نقصان کا بھی سامنا ۔ بھارتی میڈیا کے مطابق معروف ایجوکیشنل ٹیکنالوجی کمپنی بائیجوس نے شاہ رخ خان کے تمام اشتہارات روک دیے ہیں۔رپورٹ کے مطابق شاہ رخ خان بائیجوس کے ساتھ 2017 سے منسلک جس نے ان کے بیٹے آریان خان کی منشیات کیس میں گرفتاری کے بعد وہ تمام اشتہارات روک دیے ہیں جن میں شاہ رخ خان موجود ہیں۔بھارتی میڈیا کے مطابق آریان کی گرفتاری کے بعد سوشل میڈیا صارفین کی جانب سے بائیجوس سے مطالبہ کیا جارہا تھا کہ وہ اپنے برانڈ ایمبیسڈر کو تبدیل کریں، کیونکہ ایک ایسا شخص جو اپنے بچے کی تربیت نہیں کرسکتا اس کا تعلیم سے متعلق ایپ کی تشہیر کرنا نامناسب ہے اور یہ خود کمپنی کے لیے بھی مفید نہیں۔دوسری جانب عدالت نے شاہ رخ کے بیٹے کو جوڈیشل ریمانڈ پر 14 روز کیلئے جیل بھیج دیا ہے،گزشتہ روز ممبئی کی مقامی عدالت نے آریان اور ان کی دوست مونمُن دھمیچا سمیت دیگر ملزمان کی ضمانت بھی مسترد کردی تھی
