کوئٹہ(یو این آئی )چیئرمین تحریک انصاف عمران خان کیلئے بری خبر آگئی۔ عدالت نے آرٹیکل 6 کی کارروائی کی درخواست کو قابل سماعت قرار دیدیا۔
تفصیلات کے مطابق بلوچستان ہائیکورٹ میں عمران خان کیخلاف آرٹیکل 6 کے تحت کارروائی کی درخواست پر سماعت ہوئی۔
چیف جسٹس نعیم اخترافغان اورجسٹس عامر نواز رانا نے درخواست کی سماعت کی۔ عدالت نے درخواست کو قابل سماعت قراردیتے ہوئے فریقین سے جواب طلب کرلیا۔
درخواست ایڈووکیٹ عبدالرازق شرکی جانب سے دائرکی گئی، درخواست میں عمران خان،حکومت پاکستان اور اٹارنی جنرل و دیگر کو فریق بنایاگیا۔
درخواست میں مو¿قف اختیار کیا گیا ہے کہ قومی اسمبلی تحلیل کرنے کے اقدام کو سپریم کورٹ نے غیرآئینی قراردیا، عمران خان کے خلاف سنگین غداری کے مقدمے کی کارروائی شروع کی جائے
عدالت نے جواب طلب کرتے ہوئے کارروائی29مئی تک ملتوی کردی۔
