نئی دہلی( یو این آئی نیوز ڈیسک )بھارتی ائیر فورس کا IAF Mi-17V5 ہیلی کاپٹر گر کر تباہ ، ہیلی کاپٹر میں بھارتی فوج کے پہلے چیف آف ڈیفنس جنرل بپن راوت کا اہلیہ سمیت اس حادثے میں ہلاک ۔
بھارتی میڈیا کے مطابق چیف آف ڈیفنس اسٹاف جنرل بپن راوت کا ملٹری ہیلی کاپٹر ریاست تامل ناڈو میں کونور کے قریب گر کر تباہ ہوا، حادثے کے وقت ہیلی کاپٹر میں چیف آف ڈیفنس اسٹاف جنرل بپن راوت، ان کی اہلیہ مدھولکا راوت اور عملے کے افراد سوار تھے۔
بھارتی میڈیا کے مطابق مقامی حکام کا کہنا ہےکہ حادثے کے نتیجے میں اب تک 11 لاشیں نکالی جاچکی ہیں جب کہ چیف آف ڈیفنس اسٹاف جنرل بپن راوت حادثے میں شدید زخمی ہوئے جن کی حالت تشویشناک ہے۔بھارتی حکام کی جانب سے تاحال بپن روات کی ہلاکت کی تصدیق نہیں کی گئی ،
بھارتی فضائیہ کی جانب سے بھی اس حوالے سے سوشل میڈیا پر تصدیق کی گئی ہے کہ چیف آف ڈیفنس اسٹاف جنرل بپن راوت کا ایم آئی 17وی فائیو ہیلی کاپٹر گر کر تباہ ہو گیا ہے۔
انڈین ائیر فورس کی جانب سے جاری بیان میں کہا گیا ہے کہ ہیلی کاپٹر حادثے کی وجوہات جاننے کے لیے انکوائری کا آغاز کر دیا گیا ہے۔
وسری جانب بھارتی میڈیا رپورٹس میں ہیلی کاپٹر حادثے میں 7 افراد کی ہلاکت کی تصدیق کی ہے تاہم یہ معلوم نہیں ہو سکا ہے کہ ہلاک ہونے والوں میں کون کون شامل ہے۔
بھارتی خبر رساں ادارے اے این آئی کے مطابق ہیلی کاپٹر حادثے کی جگہ سے ملنے والی لاشوں کو ملٹری اسپتال منتقل کر دیا گیا ہے۔
خیال رہے کہ بھارتی فوج کے سربراہ جنرل بپن رخیال رہے کہ بھارتی فوج کے سربراہ جنرل بپن راوت اپنی مدت ملازمت پوری کرنے کے بعد 31 دسمبر 2019 کو ریٹائر ہوئے تھے لیکن مودی سرکار نے انہیں بھارت کا پہلا چیف آف ڈیفنس اسٹاف مقرر کیا تھا۔
