اسلام آباد ( یو این آئی نیوز)پی آئی اے نے سعودی عرب کی مزید پروازوں کیلئے اجازت حاصل کرلی، ترجمان پی آئی اے کے مطابق یہ سہولت سعودی عرب میں سفیر جنرل(ر) بلال اکبر کی مدد سے اضافی پروازیں حاصل کی گئی ہیں ، اس سلسلے میں پی ائی اے کے کنٹری مینجر کی سعودی عرب کی جنرل اتھارٹی برائے سول ایوایشن کے اعلی عہدیدار علی رجب سے ملاقات ہوئی ، جس کے بعد سی ای او پی آئی اے کی ہدایات کی روشنی میں پی آئی اے نے ہفتہ وار پروازوں کی تعداد 33 سے بڑھا کر 48 کردی گئیں، اب پی آئی اے پاکستان سے سعودیہ عرب کی ہفتہ وار 48 پروازیں آپریٹ کرے گی ان پروازوں میں 8 دمام، 8 مدینہ، 9 ریاض اور 23 جدہ کی پروازیں ہوں گی ، ترجمان نے کہا کہ پروازوں کا مقصد کوویڈ پابندیوں میں نرمی کے بعد زیادہ سے زیادہ پاکستانیوں کو روزگار پر واپس پہنچانا ہے، سی ای او پی آئی اے ائیر مارشل ارشد ملک کا اس حوالے سے کہنا ہے کہ پی آئی اے ہمیشہ پاکستانیوں کی سفری ضروریات پوری کرنےمیں پیش پیش رہتی ہےضرورت پڑی تو ہم سعودی برادرانہ حکومت سے مزید پروازوں کی اجازت حاصل کرلیں گے ،
