اسلام آباد( یو این آئی نیوز)پاکستان ڈیموکریٹک موومنٹ(پی ڈی ایم)کا مولانا فضل الرحمن کی زیر صدارت ہنگامی اجلاس میں ملک کی مجموعی سیاسی اور معاشی صورتحال، بدترین مہنگائی، نیب آرڈیننس، نام نہاد انتخابی اصلاحات سمیت ملک کو درپیش داخلی و خارجی امور پر تفصیلی غور وخوص کیا گیا جبکہ پی ڈی ایم قیادت نے نیب ترمیمی آرڈیننس، انتخابی اصلاحات، الیکٹرانک ووٹنگ مشین(ای وی ایم )اور انٹرنیٹ ووٹنگ کوحکومت کی بد نیتی قراردیکر مکمل طور پر مسترد کردیاحکومت کیجانب سے آئی ایم ایف کی شرائط عوام کے سامنے لانے کا مطالبہ بھی کردیا صوبائی دارالحکومتوںکراچی ،کوئٹہ ،پشاور، لاہور اوراسلام آبادمیںپی ڈی ایم جماعتوں کامرکزی قیادت کی سربراہی میں سڑکوں پرنکلنے کا بھی فیصلہ کیاگیا تفصیلات کے مطابق گذشتہ روز پاکستان ڈیموکریٹک موومنٹ(پی ڈی ایم)کے سربراہ مولانا فضل الرحمان کی صدارت وڈیو لنک کے زریعے پی ڈی ایم کا ہنگامی سربراہی اجلاس منعقد ہوا جس میں پی ڈی ایم میں شامل تمام سیاسی جماعتوں کی قیادت نے شرکت کی اجلاس میں ملک کی مجموعی سیاسی اور معاشی صورتحال، بدترین مہنگائی، نیب آرڈیننس، نام نہاد انتخابی اصلاحات سمیت ملک کو درپیش داخلی و خارجی امور پر تفصیلی غور کیا گیا ملک میں بدترین مہنگائی کی شدید مذمت کرتے ہوئے بجلی، گیس، پٹرول، آٹا، گھی، چینی، دوائی اور دیگر اشیا ضروریہ کی قیمتوں میں بد ترین اضافہ بھی مسترد کر دیاگیا اجلاس میں مطلابہ کیا گیا کہ حکومت بجلی گیس پٹرول اور دیگر اشیا ضروریہ کی قیمتوں میں اضافہ واپس لے کر عوام کو فوری ریلیف فراہم کرے مہنگائی کی بنیادی وجہ عمران خان حکومت کی تاریخی کرپشن ہے اجلاس نے مطالبہ کیا گیاکہ آئی ایم ایف سے طے پانے والی شرائط عوام کے سامنے لائی جائیں ںپی ڈی ایم قیادت کیجانب سے عوام کے ساتھ یک جہتی اور ہمدردی کا اظہار کرتے ہوئے حکومت کی عوام دشمنی کے خلاف فیصلہ کن تحریک چلانے پر اتفاق کیاگیا اجلاس کا صوبائی دارالحکومتوں میں بھرپور احتجاجی ریلیوں کے انعقاد کا بھی فیصلہ کیا گیا 13نومبر کو کراچی، 17 نومبر کو کوئٹہ، 20 نومبر کو پشاور میں پی ڈی ایم جماعتیں مرکزی قیادت کی سربراہی میں سڑکوں پر نکلیں گی آخری ریلی لاہور میں ہوگی جس کے بعد اسلام آباد کی طرف مہنگای کے خلاف فیصلہ کن لانگ مارچ ہوگا پی ڈی ایم قیادت نے عندیہ دیا کہ یہ تحریک عمران خان کو گھر بھجوا کر ہی ختم ہو گی یہ عمران خان سے نجات کی تحریک ہے عوام ایک لمحہ اس حکومت کو برداشت کرنے کو تیار نہیں جس نے مہنگائی سے عوام کی کمر توڑ دی ہے اجلاس نے نیب ترمیمی آرڈیننس، انتخابی اصلاحات، ای وی ایم اور انٹرنیٹ ووٹنگ کو بد نیتی قرار دیتے ہوئے مکمل طور پر مسترد کردیا غیر جمہوری نام نہاد انتخابی اصلاحات پر حکومتی اقدامات کو 2018 کے فراڈالیکشن سے بڑا فراڈ سمجھتے ہیںیہ ملک اور عوام کے حق انتخاب کی نفی کرنے اور الیکشن چوری کرنے کی بد ترین سازش ہے حکومتی سازش کو ناکام بنائیں گے، اجلاس میں تمام جماعتوں نے عہد کیاگیا کہ عوامی رائے چوری کرنے اور الیکشن پر ڈاکہ ڈالنے کی سازش کا بھرپور مقابلہ کرکے اسے ناکام بنایا جائیگا اوورسیز پاکستانیوں کو حقیقی معنی میں پارلیمان میں حق نمائندگی دیا جاے گا حکومتی سازش کو ناکام بنانے کے لئے پارلیمنٹ کے اندر اور باہر احتجاج کی حکمت عملی طے کی گئی پارلیمنٹ میں تمام جماعتوں سے مل کر حکمت عملی کی تیاری کی ذمہ داری قائد حزب اختلاف شہباز شریف کو سونپ دی گئی اجلاس کا ڈسکہ دھاندلی رپورٹ میں قصوروار قرار پانے والوں کے خلاف فوری قانونی کارروائی کرنے کا مطالبہ کرتے ہوئے کہا کہ ثابت ہوا کہ مسلط ٹولے نے ووٹ چوری کی عملے کو اغوا کرایا ووٹ چوروں اور اغوا کاروں کو سزائیں دی جائیںمولانا فضل الرحمان کی زیر صدارت اپوزیشن اتحاد پی ڈی ایم کے ورچوئل اجلاس میں حکومت کو آخری ڈیڈ لائن دے کر فیصلہ کن لانگ مارچ شروع کیے جانے کا فیصلہ کیا گیا ہے پاکستان ڈیمو کریٹک موومنٹ (پی ڈی ایم) کے اجلاس میں شہباز شریف، مریم نواز، شاہد خاقان عباسی، شاہ اویس نورانی سمیت دیگر رہنما شریک ہیں اجلاس میں پیپلز پارٹی کی پی ڈی ایم میں واپسی سمیت دیگر امور پر غور کیا جارہا ہے ذرائع کا کہنا ہے کہ پیٹرول، بجلی کی قیمتوں میں واپسی کا مطالبہ کیا جائے گا۔
