اسلام آباد ( یو این آئی ):اسلام آباد پولیس نے عمران خان کو 4 مختلف مقدمات میں تفتیش کے لیے طلب کرلیا۔
اسلام آباد پولیس نے عمران خان کو 10 اور11 مئی کوشامل تفتیش ہونے کے لیے طلبی کے نوٹس جاری کیے ہیں۔
نوٹس میں کہا گیا ہےکہ تھانہ رمنا میں درج مقدمہ نمبر 153میں عمران خان پیش ہوں، اس کے علاوہ انہیں تھانہ رمنا میں ہی درج مقدمہ نمبر 154 میں 10 مئی کو طلب کیا گیا ہے۔
تھانہ سی ٹی ڈی میں درج مقدمہ نمبر 03 میں عمران خان کو 11 مئی اور تھانہ گولڑہ میں درج مقدمہ نمبر143 میں بھی 11 مئی کو طلب کیا گیا ہے۔
عمران خان کوپولیس لائن ہیڈ کوارٹر میں جے آئی ٹی کے سامنے پیش ہونے کا نوٹس جاری کیا گیا ہے۔
