راولپنڈی ( یو این آئی نیوز):
اٹک پولیس نے اینکر پرسن عمران ریاض خان کو بلآخرگرفتار کر لیا۔ عمران ریاض خان پر پنجاب میں کئی مقدمات درج ہیں جن کے باعث وہ پنجاب پولیس کو مطلوب تھے .جو ان کی گرفتاری کے لیے مسلسل چھاپے مار رہی تھی .
پولیس کا کہنا ہے کہ عمران ریاض کیخلاف پنجاب کی حدود اٹک میں ایف آئی آردرج ہے۔
پولیس کے مطابق عمران ریاض کو پولیس اسٹیشن منتقل کیا جا رہا ہے۔
اس حوالے سے وزیر قانون پنجاب ملک احمد خان کا کہنا ہے کہ عمران ریاض خان کو ضلع اٹک سے گرفتار کیا گیا، عمران ریاض خان پر پنجاب میں مقدمات درج ہیں، پنجاب کی حدود سے ہی گرفتار کیا گیا ہے۔
وزیرِ قانون پنجاب ملک احمد خان نے مزید کہا کہ یہ تاثر غلط ہے کہ اسلام آباد سے گرفتاری عمل میں آئی۔
تحریک انصاف کے رہنماں نے عمران ریاض خان کی گرفتاری کی مذمت کی ہے۔
