اسلام آباد (یو این آئی)اسلام آباد ہائیکورٹ نے توشہ خانہ کیس ٹرائل کورٹ کوواپس بھجوا دیا،چیف جسٹس عامر فاروق نے 8 صفحات پر مشتمل تحریری فیصلہ جاری کر دیا
جس کے مطابق ٹرائل کورٹ کے پانچ مئی فیصلے کے خلاف چیئرمین پی ٹی آئی کی درخواست منظور کی گئی ہے جبکہ ٹرائل کورٹ کا پانچ مئی کا فیصلہ کالعدم قرار دیا گیا ہے
تحریری فیصلہ میں کہاگیا ہے کہ ٹرائل کورٹ فریقین کو دوبارہ سن کر وجوہات کے ساتھ سات روز میں فیصلہ کرے ،فریقین کے دلائل سے 8 سوالات عدالت کے سامنے آئے
ٹرائل کورٹ نے ان سوالات کو نظر انداز کرتے ہوئے سرسری جائزہ لیا ،ٹرائل کورٹ نے چیئرمین پی ٹی آئی کی درخواست کے قانونی پہلوو¿ں کا مکمل جائزہ نہیں لیا
ٹرائل کورٹ نے کئی قانونی پہلوو¿ں کا جائزہ لئے بغیر درخواست خارج کی ،ٹرائل کورٹ نے متعدد قانونی پہلوو¿ں کو ادھورا چھوڑتے ہوئے ان کا فیصلہ ہی نہیں کیا
عدالت نے کہا کہ آرٹیکل دس اے کے تحت شفاف ٹرائل کے تقاضے پورے کرنے کے لیے ٹرائل کورٹ فریقین کو سن کر دوبارہ فیصلہ کرے
