اسلام آباد( یو این آئی نیوز): پاکستان تحریک انصاف کے مرکزی رہنماء سابق معاون خصوصی ذلفی بخاری نے برطانوی شہرت ترک کر دی۔
ذلفی بخاری نے برطانوی ہوم آفس کی تصدیقی دستاویزات میڈیا پر جاری کرتے ہوئے کہا کہ برطانوی حکومت کی جانب سے نوٹیفکیشن اگیا ہے کہ آپ برطانوی شہری نہیں رہے، اب میں صرف پاکستانی شہری ہوں، میرے پاسپورٹ پر کوئی اور ویزا نہیں، اب کہیں نہیں جا سکتا، جینا مرنا پاکستان میں ہے،
انھوں نے کہا کہ اب عمران خان کے ساتھ مل کر حقیقی آزادی کی جدو جہد کروں گا۔اس وقت ساری دنیا برطانوی شہریت اور پاسپورٹ کے لئے اربوں روپے دیتی ہے ۔کئی سیاسی لیڈر شپ باہر جاتے ہیں سیاسی پناہ لیتے ہیں ،بوٹ پالش کرتے ہیں کہ پاسپورٹ مل جائے ۔اللہ تعالی نے مجھے قوم کی خدمت کرنے کا موقع دیا ہے ،کاش میں برطانوی شہریت تین چار سال پہلے چھوڑ دیتا ۔زلفی بخاری نے کہاکہ کئی سیاسی لیڈر اس وقت ملک کے باہر بھاگے ہوئے ہیں ۔انہوں نے کہا کہ کہا جا رہا تھا حکومت کے خاتمے پر پاکستان چھوڑ کر بھاگوں گا، مشکل وقت میں عمران خان کے ساتھ کھڑا ہوں، پاکستانی ہو اور پاکستانی رہوں گا، میں برطانیہ میں پیدا ہوا، پورا خاندان وہاں ہے، برطانیہ میں کاروبار کیا، وہاں سے بہت کامیابیاں ملیں۔
اب میرے ملک پاکستان کو ہماری ضرورت ہے۔ زلفی بخاری نے کہا کہ ہار جیت اللہ کے ہاتھ میں لیکن پاکستان کی خدمت کا فیصلہ کر لیا،پاکستان چھوڑ کر بھاگنے والے پناہ لینے کیلئے کوشاں ہے، برطانیہ نے نواز شریف کو خط لکھا ہوا ہے، انہیں بھی پاکستان واپس آنا ہو گا۔۔۔
