کوئٹہ ( یو این آئی نیوز )فورسز پر حملہ کرنے والے 4 سے 5 دہشتگرد بازار میں گئے جو اب بھی زندہ ہیں، علاقے میں بازار بند ہے، جب تک دہشت گرد مارے نہیں جاتے بازار بند رہے گا، پنجگور میں 7 اہلکار شہید اور 12 زخمی ہوئے،
وزیراعلی بلوچستان کے مشیر داخلہ ضیا لانگو کا نیوز کانفرنس سے خطاب کرتے ہوئے کہنا تھا کہ گزشتہ روز سکیورٹی فورسز کے کیمپس پر حملہ کرنے والے 4 سے 5 دہشت گرد لڑائی کے دوران بازار میں گئے اور اب بھی زندہ ہیں۔
ضیا لانگو نے بتایا کہ علاقے میں بازار بند ہے، جب تک دہشت گرد مارے نہیں جاتے بازار بند رہے گا۔
انہوں نے بتایا کہ نوشکی میں ایف سی کیمپ پر حملہ کیاگیا، 12 جوان زخمی ہیں،گزشتہ رات بھی دہشت گردوں کیخلاف کارروائی کی، نوشکی میں دہشت گردوں کیخلاف آپریشن مکمل ہوگیاہے، نوشکی میں ا یک سویلین کی ہلاکت کی بھی اطلاع ہے۔
ضیا لانگو کے مطابق پنجگور میں 7 اہلکار شہید اور 12 زخمی ہوئے، پنجگور میں دہشت گردوں کیخلاف آپریشن جاری ہے،پنجگور میں 4 سے 5 دہشت گرد فرار ہوئے، تلاش جاری ہے۔
انہوں نے کہا کہ اس ماہ ہمیں دہشت گرد تنظیموں کی جانب سے تھریٹس تھیں، دہشت گرد تنظیموں کو افغانستان سے سپورٹ مل رہی ہے، حملہ آور کون تھے،کس تنظیم سے تعلق ہے ابھی کچھ نہیں کہہ سکتے، آج انٹیلی جنس اداروں کااجلاس بلایا ہے، اس میں سب چیزیں سامنے آجائیں گی۔
