اسلام آباد( یو این آئی نیوز)
5 0فروری کو اندرون و بیرون ملک یوم یکجہتی کشمیر منانے کے حوالے سے تمام تر تیاریاں مکمل کر لی گئیں۔ یوم یکجہتی کشمیر کو بھرپور انداز سے منانے کے لیے وزارت اُمور کشمیر و گلگت بلتستان میں تمام متعلقہ اداروں اور صوبائی حکومتوں کے متعدد اجلاس منعقد کیے گئے جن میں اس دن کے حوالے سے تیاریوں کو حتمی شکل دی گئی اور اس عزم کا اظہار کیا گیا کہ 5 فروری کو اندرون وبیرون ملک مقیم پاکستانی اپنے کشمیری بہنوں اوربھائیوں سے بھرپور یکجہتی کا اظہار کریں گے اور کشمیریوں کے حق خود ارادیت کے حوالے سے آواز پوری دُنیا تک پہنچائیں گے۔ یوم یکجہتی کشمیر کو منانے کے حوالے سے مندرجہ ذیل پروگرامز ترتیب دیے گئے ہیں۔
) کشمیری شہداء کو خراج عقیدت پیش کرنے کے لیے 5 فروری کوپورے ملک میں صبح دس بجے ایک منٹ کی خاموشی اختیار کی جائے گی۔
) شاہراہ دستور اسلام آباد میں کشمیری عوام سے یکجہتی کے لیے ریلی نکالی جائے گی جس میں صدر مملکت،وفاقی وزراء،قومی اسمبلی و سینٹ ممبران اور عوام شرکت کریں گے۔
) صدر پاکستان جناب عارف علوی صاحب آزاد جموں وکشمیر قانون ساز اسمبلی سے خطاب کریں گے
) صدر اور وزیر اعظم پاکستان اور صدر و وزیر اعظم آزاد کشمیر کی جانب سے یوم یکجہتی کشمیر کے حوالے سے خصوصی پیغامات نشر کیے جا ئیں گے۔
) بیرون ملک قائم پاکستانی مشنز یوم یکجہتی کشمیرکے حوالے سے خصوصی ریلیز، جلسوں،سیمینارز،تصویری نمائشوں کا انعقاد کررہے ہیں جن میں مقبوضہ کشمیر میں انسانی حقوق کی خلاف ورزیوں کے خلاف آواز اٹھائی جائے گی اور بھارتی مظالم کو دُنیا کے سامنے بے نقاب کیا جائے گا۔
) وزارت امور کشمیرو گلگت بلتستان کے تعاون سے PNCA اور لوک ورثہ اسلام آباد میں تصویری نمائش ڈاکیومنٹری،مشاعرہ اور ڈرامہ دنیا کی بیٹی رنجیدہ ہے کا انتظام کیا گیا ہے۔
یوم یکجہتی کشمیر کے حوالے سے اسلام آباد انتظامیہ نے سائیکل ریلی،کرکٹ میچ اور میراتھن ریس کا انتظام کر رکھاہے۔
) پاکستان سپورٹس بورڈ نے سپورٹس کیمپلس میں اس دن کی مناسبت سے ایک فٹ بال میچ اور ہاکی میچ کا بھی انتظام کر رکھاہے
) یوم یکجہتی کشمیر کے حوالے سے گلگت بلتستان حکومت نے ہنزہ میں آئس ہاکی کے میچ کا پروگرام ترتیب دے رکھا ہے۔
) سول ایویشن،پاکستان ریلوے،میٹرو بس اور این ایچ اے ہوائی اڈوں،ریلوے اسٹیشنز،میٹرو بس اسٹیشنز اور ٹول پلازوں پر یوم یکجہتی کشمیرکے حوالے سے بینرز آویزاں کر رہے ہیں۔
) ICTاور CDAبھی یوم یکجہتی کشمیر کے حوالے سے اپنا بھر پور کردارادا کریں گے تاکہ اس دن کو بھرپور انداز میں منایا جاسکے۔
) وزارت اطلاعات ونشریات نے بھی یوم یکجہتی کشمیر کے حوالے سے بھرپور تیاری کر رکھی ہے اور پرنٹ والیکٹرونک میڈیا کے علاوہ سوشل میڈیا پر بھی کشمیریوں سے بھرپور یکجہتی کا اظہار کیا جائے گااور اس دن کے حوالے سے بھرپور تشہیر کی جائے گی،اس کے علاوہوزارت اطلاعات کا سوشل میڈیا بھی متحرک انداز سے کام کر رہا ہے اور اس دن کے حوالے سے ڈاکیومینٹرز،تصاویر کوبھرپور طریقے سے تشہیرکی جائے گی۔
وفاقی وزارت اطلاعات و نشریا ت AJK TV World ‘ ,PTV PTV اور ریڈیو کے ذریعے مختلف پروگرا مز نشر کرے گا۔
) سی ڈی اے نے اسلام آباد کی تمام اہم شاہراؤں پر یوم یکجہتی کشمیر کے حوالے سے بینرز آویزاں کر رہے ہیں۔
) سیلولر / موبائل کمپنیاں یوم یکجہتی کشمیر کے حوالے سے خصوصی پیغامات نشر کریں گے۔
) اس کے علاوہ تمام شہروں کے بڑے پلازوں،شاپنگ مالز اور مارکیٹوں میں بھی یوم یکجہتی کشمیر کے حوالے سےstreamersاور بینرز لگانے کا بندوبست کیا گیا ہے۔
) تمام صوبائی حکومتوں اور گلگت بلتستان نے اس دن کے حوالے سے خصوصی تقاریب،سیمینارز، تصاویری نمائش، ریلیز،تقریری مقابلوں،جلسے جلوس، سکول وکالجزمیں مضمون نویسی جیسی سرگرمیوں کا انتظام کر رکھا ہے۔ان سرگرمیوں میں تمام صوبوں کے وزراء اعلیٰ و دیگر سینئر وزراء شرکت کریں گے۔
) اس ضمن میں چاروں صوبوں کے چیف سیکرٹریز کو خصوصی ہدایات جاری کی گئی ہیں کہ وہ اس دن کے حوالے سے ڈویثرنل اورڈسٹرکٹ ہیڈ کواٹرز میں تمام سرگرمیوں اور تقاریب کی خودنگرانی کریں
) آزادکشمیر حکومت نے بھی یوم یکجہتی کشمیر منانے کے حوالے سے بھرپور انتظامات کر رکھے ہیں اوراس موقع پرLOCکی دوسری جانب یکجہتی سے بھرپور پیغام پہنچاجارہا ہے۔
) مظفر آباد اور آزادکشمیر کے دیگر ڈسٹرکٹ ہیڈکواٹرز میں خصوصی ریلیز،سیمینارز،تصویری نمائشوں مضمون نویسی اور تقاریری مقابلے کا انعقاد کیا جارہا ہے۔
) کوہالہ پل سمیت آزادکشمیر سے ملنے والے تمام راستوں پر تقریبات کا انعقاد کیا جائے گا جس میں دیگر صوبوں کے وزراء بھی شرکت کریں گے۔
) اسلام آباد کلب مین ایک پولو میچ بھی اس سلسلے مین ترتیب دیا گیا ہے
