نئی دہلی ( یو این آئی نیوز ڈیسک) پاکستان ہائی کمیشن نئی دہلی کی جانب سے بھارت کے ہندو یاتریوں کو شادانی دربار، سندھ کے لئے ویزوں کا اجرا ء پاکستان ہائی کمیشن نے پاکستان میں مذہبی مقامات کے دورے کے لئے بھارت کے ہندو یاتریوں کو 136 ویزے جاری کئے ،بھارت کے ہندو یاتریوں کا گروپ 4 سے 15 دسمبر 2021تک سندھ میں شادانی دربار حیات پتافی میں شیو اتاری ست گرو سنت شادارم صاحب کے 313 ویں جنم دن کے موقع پر تقریبات میں شرکت کے لئے پاکستان کا دورہ کر رہا ہے ،شادانی دربار تین سو سال سے زائد پرانا مندر ہے جو دنیا بھر سے ہندوں کے لئے مقدس مقام ہے۔یہ مندر سنت شادارم صاحب نے 1786میں تعمیر کیا تھا جو 1708میں لاہور میں پیدا ہوئے تھے۔مذہبی مقامات کے دوروں کے حوالے سے 1974کے پاکستان ۔ انڈیا پروٹوکول کے تحت ہر سال ہزاروں سکھ اور ہندو یاتری مختلف مذہبی تقریبات میں شرکت کے لئے بھارت سے پاکستان آتے ہیں۔پاکستان ہائی کمیشن کی جانب سے جاری کئے گئے ویزے دیگر ممالک سے ان تقریبات میں شرکت کے لئے آنے والے ہندو اور سکھ یاتریوں کو دیئے گئے ویزوں کے علاوہ ہیں۔ہندو اور سکھ یاتریوں کو ویزوں کا اجراحکومت پاکستان کی مذہبی مقامات کے دوروں میں سہولت فراہم کرنے کی کوششوں کے عین مطابق اور پاکستان کی تمام مذاہب کے مذہبی مقامات کے احترام اور بین المذاہب ہم آہنگی کو فروغ دینے کی کاوشوں کا بھی عکاس ہے۔
